குழந்தை வரம் என்பது இறைவன் அருளால் நமக்கு கிடைப்பது. இன்றும் கல்யாணம் ஆகி குழந்தைக்காக பலர் ஏங்கி வருகின்றனர்.
அத்தகைய மழலை செல்வங்கள் என்றுமே நமக்கு விசேஷம் தானே!
பிள்ளைகள் உள்ள வீடுகளில் சந்தோஷங்களுக்கு பஞ்சம் இருக்காது. ஆணோ பெண்ணோ எதுவாக இருந்தாலும் முழுமனதோடு ஏற்று கொண்டு தன் பிள்ளையை வளர்த்து நல்ல நிலைக்கு ஆளாக்குவதில் தான் பெற்றோர்களின் கடமைகள் ஒளிந்திருக்கிறது.
இந்த பதிவில் மகள் பிறந்த நாள் வாழ்த்துக்கள் கவிதை மடல்களை பதிவிட முற்பட்டுள்ளேன்.
அதிலும் பெண் பிள்ளைகள் என்றால் சொல்லவே வேண்டாம் குறிப்பாக மகள் பிறந்தாளே மங்களம் கூடுகிறது இல்லத்தில்.
அவளின் கொஞ்சும் மழலை குரல்களில் மூழ்காதவர் எவரும் இலர்.
ஒவ்வொரு தந்தைக்கும் தெரியும் பெண் குழந்தைகளின் அவசியத்தை. ஒரு பெண் தன் அப்பாவை விரும்பும் அளவுக்கு இந்த உலகில் அதைவிட யார் அன்பாய் இருந்து விட முடியும்?
உன்னதமான மகள் பிறந்த நாள் வாழ்த்துக்கள் கவிதை வரிகள்
மகள் பிறந்ததை மஹாலக்ஷிமியே பிறந்ததாக பாவிக்கும் குடும்பமும் இங்கு உண்டு.
அதே போல் பெண் குழந்தை என்று தெரிந்தவுடன் கல் மனதோடு கரு கலைக்கும் மோசமான சம்பவங்களும் இந்த சமூகத்தில் அரங்கேறத்தான் செய்கின்றன.
எது எப்படியோ இந்த பதிவில் தன் மகளை கொஞ்சும் தாயும்,தந்தையும் அவளின் பிறந்த தினத்தை எப்படி உணர்ந்திருப்பார் என இதோ என் கற்பனை வடிவில் மகள் பிறந்த நாள் வாழ்த்துக்கள் கவிதை வரிகளை அமைத்திருக்கிறேன்.
உங்களுக்கு பிடித்த கவிதைகளை பார்வையிட்டு உங்கள் குடும்பத்தினருடன் பகிர்ந்து பயன் பெறுங்கள் நன்றி.
பூக்களின் எதிரி அழகிலே, நிலவுக்கு சொந்தக்காரி நிறத்திலே, குறும்புக்கார சிறுமி குணத்திலே, வாய் ஜால கில்லாடி பேச்சிலே, பாசமிகு தேவதை எங்கள் இதயத்திலே.
எம் வம்சத்தின் குலவிளக்கான என் செல்ல குட்டிக்கு இன்று பிறந்த நாளாம் என் பொன்னான நல்வாழ்த்துக்கள்.
எங்கள் வாழ்க்கையின் சிறந்த தினம் என் மகளாக இந்த குடும்பத்தில் நீ ஒரு அங்கமாக ஜனனித்த இந்த உன் பிறந்த தினம்.
அன்று நீ பிறந்த இந்த நாளில் நம் குடும்பத்தில் மகாலட்சுமியே குடி வந்தது போல உணர்ந்தேன்.
என்றுமே நீ இன்பமாகவும் நினைத்தது அனைத்தும் ஜெயம் பெற வாழ்த்துகிறேன்.
வாழ்க்கையின் இன்னல்களை தவிடு பொடியாக்கி என்றும் மென் மேலும் உயர்ந்து என் மகளாக உன்னை அடைந்ததற்கு நான் பெருமிதம் கொள்ளும்படி செய்வாயாக.
என்றும் வளம் பெற பிறந்த நாளில் வாழ்த்துகிறேன் உன்னை.
எங்கள் வீட்டின் சொத்தான மாண்புமிகு இளவரசிக்கு இந்த பிறந்த நாள் மிக சிறப்பானதாக அமையவும் உன் வாழ்க்கை இன்று கொண்டாடி மகிழும் இனிப்பை போல என்றும் சிறக்க வாழ்த்துகிறேன் என் தங்கமான மகளே.
அனைத்து குறைகளும் இன்று நிறைகளாகி போயின நீ பிறந்த போது.
என் தேவதை என்றுமே என் மனதின் மஹாராணி தான் வாழ்த்துக்கள் மகளே.
நீ இன்னும் எனக்கு சின்ன பிள்ளையாகவே தெரிகிறாய். உன்னை மீண்டும் தூக்கி கொஞ்ச எனக்கு ஆசை தான் பருவ வயது வந்ததும் நம் அப்பா மகள் உறவுக்குள் ஏனோ ஒரு எல்லைக்கோடு தெரிகிறது இருந்தாலும் என்றுமே நீ எனக்கு கொஞ்சும் குழந்தையே இந்த பாசமிகு பிதாவின் பிறந்த நாள் வாழ்த்துக்கள்.
என்றுமே என் மகள் உனக்காகவே வாழும் உன் நலனையே விரும்பும் இந்த ஆசை அம்மாவின் உள்ளம் கனிந்த பிறந்த தின பாராட்டுக்கள்.
என் மகளே பிறந்த தினம் எனும் புதியதோர் மைல் கல்லை அடியெடுத்து வைக்கும் உன் வாழ்வில் என்றுமே மங்களம் உண்டாகட்டும்.
தெய்வங்கள் எல்லாம் ஒன்று கூடி துணை நின்று உன்னை காக்கட்டும் என அன்போடு வாழ்த்தும் உன் இல்லத்தார்.
பல வருடம் தவ வாழ்க்கை வாழ்ந்து இறை அருளால் தாம்பத்திய வாழ்க்கையில் அர்த்தத்திற்காக கிடைத்த என் தவ புதல்விக்கு இன்று தித்திக்கும் பிறந்த நாள் நன்னாள். வாழ்க்கையின் ஒவ்வொரு படியையும் வெற்றிகளாய் கடந்து மென்மேலும் நீ வளர உன் தந்தையின் வாழ்த்துக்கள்.